الأحد 6 رمضان 1442 / 18 أبريل 2021

مرخصة من وزارة الثقافة والإعلام برقم : غ ش 1444

صحيفة شعبية
06-10-1438 02:37
تعليقات 0 | إهداء 0 | زيارات 1432
الشاعر فهد المنصوري  اليوم تأثّر الشعر بحياة الرفاهية والاستقرار مماإنعكس على أفكار الشعراء
تجربته الشعرية خليط بين مدارس الشعر التقليدي والحداثي
الشاعر فهد المنصوري اليوم تأثّر الشعر بحياة الرفاهية والاستقرار مماإنعكس على أفكار الشعراء
عبدالله جابر السفياني - شعبية
أحد شعراء الوقت الراهن الذي يرى أن شعراء الجيل السابق يعتبرون مدارس ينهل منها الشاعر مالذّ وطاب !!
فمن لم يقرأ لإبن لعبون والقاضي وبن سبيل والسديري وغيرهم من رواد الشعر صاحب تجربة شعرية ناقصه !!
الشاعر فهد عبد ربه المنصوري كان ضيف " شعبية " في هذا الحوار :


* الشعور والهاجس متى يحفز القريحة ليظهر نص شعري ؟
لا يوجد وقت معين لولادة القصيدة
متى ما يشعر الشاعر بكلام في نفسه .. تاتي القصيده

* صف كيف يتم بناء النص الشعري؟
ج/ يتم بناء النص الشعري بالسعي جاهداً على بناء فكرة النص بتسلسل افكاره بدون اي خلل وتشويش على القارئ
متى ماكان المستمع للنص منسجم مع تسلسل افكار القصيده هذا يعني ان النص جيد نوعاً ما


* ما يلفت نظرك من خلال ذائقتك لبيت القصيدة؟

يعجبني البيت اللي يتضمن فكرة جديده

مايعني لك كلمة شاعر؟


* اجمل قصيدة تكررها؟
الجروح اتصـفّ / في صف المعادي
‎لا بدت لعداك .. بانت فيك خله
خل صدرك > مثل بيرن وسط وادي
‎🚶وارم فيها كل هَــم • وروح خله
لا تـفـرّح فيك شماتـن وغادي
‎والله ان الطـين ما يحتاج بَله
واحترص من واشيِن فيها ينادي
‎واحدن يفرح ليا من شاف زله
ودّي اني ساجنه سجن انفرادي
‎ولا يقَـسّم فالعرب خبثه وغله
مايجيب الك الكلام .. اللي وكادي
‎وان تنشدته .. يقول افلان قلّه
احسبن صبري مثل صبر المهادي
‎: لين قمت اومي على الغافل واقله
بيض الله وجهه .. من بالطيب جادي
‎وسود الله وجهه .. من فالناس مَـلّـه
الثمينه تنـسمع وسط النوادي
‎وتنحسب للرجل .. وتحطه محله
والرخيصه لو بتعرض فالمزاي
‎سعرها ناقص .. ترى فالسوق كله
دقـقــوهـا .. يا مخضـبت الهنادي
‎وانـقـدوها .. كان هـرجي فيه خله
فهد المنصوري

* اذكر اقدم نص ؟

* من باب مقولة
* ( وراء كل رجل عظيم .. امراة عظيمة )
اقول :
كن حلمي … في رجا وصلك … مقَــيّـد
‎‏ما يبا … الا عشـرتك … ولأ بــلاها
من لقا مثلك … على جيله تســيّـد
‎قام ًحظه … بعدما قرر وجاها
لو يعارض له ( غــزالٍ ) … ما تصَــيّـد
‎مستحيل انه … يساوم في غلاها
وش يبا ؟… واسمك على كرته .. مقـيّـد
‎عشرتن ماهي معك … يَدعس عَـلاها
سِعد منهو … جاب له ، منها … ولــيّــد
‎في كنـفـهم عاش … والـدنيا ملاها
‏‎احسد اللي .. في كنف وصله .. معـيّـد
‎مهتني ويذووق … من صافي حـلاها
من يلومه ؟… كان جا … رجـال جـيّـد !
‎ان وقـف … قـدامـها … ولأ … وراهــا
فهد المنصوري
_____________



* مالفرق بين الشعر التقليدي والشعر الحداثي؟

كلها شعر والفرق بين الشعر التقليدي والحداثي في تجديد الفكره والمفردة

* هل أنت تنتسب الى مدرسة؟
انا في نظري ارى تجربتي الشعريه
خليط بين مدارس الشعر التقليدي والحداثي


* الافكار الذي يقوم الشاعر باخذها تعد سرقة ادبية؟

لا تعد سرقه
في حالة ان الشاعر اقتنص الفكره
وبناها بأسلوبه الخاص وكان اسلوبه بالتطرق لها احسن من اسلوب الشاعر الاول هذا يعد نضج في تجربة الشاعر والعكس صحيح

* اجمل فكرة تمنيت انها لك؟
بيت شعر لا يذكرني اسم صاحبه

له مجلسن من كبرت حموله نصاه
دكّوا خطاطيره … هدب زوليته


* الافتقار الثقافي يعد ضعف ماريك في هذه المقوله؟
مافي شك ان الثقافه والقرائه رافد مهم لكل شاعر
ومن افتقرها لا يتطور مستواه في ظني


* قديمك نديمك هل الرعيل الاول نتاجهم يغرد بعيدا عن مستوى شعراء الحاظر؟

لكل زمان رجال ودوله
الشعر في وقتنا الحالي تاثر بحياة الرفاهيه والاستقرار
مما انعكس على افكار شعراء هذا الجيل
وشعراء الجيل السابق مافي شك انهم مدارس استفدنا منهم الكثير … ومن لم يقرا لبن لعبون وللقاضي ولبن سبيل والسديري وغيرهم من اعلام النبط … ارى ان تجربته الشعريه ناقصه.



* اجمل محاورة ؟
محاورات مستور العصيمي ومطلق الثبيتي
اراها من وجهة نظري كل محاوراتهم جزله وممتعه


* شاعر محاورة تتابعه؟
*
سلطان المنصوري
وصل العطياني

قصة تحب تسمعها؟
قصص من حياة الصحابه


* كيف ينجح الشاعر؟

رح اجيب على السؤال بقصيده جديده وحصريه لصحيفتكم الموقره وهي موجهه لشعراء المدرسه التقليديه مداعبه لهم:
....
خل لك بصمه … مع فيض القريحه
وابتكـر لك … سكتن فيها … تــفَــرّد

‏لا تقلّــد شاعـرٍ … قبلك … نصيحه
مانجح فيهم … سوى شاعر تمـرّد

شاعرن … ما يبتـكر … ربي يبيـحه
مالفــت ذوق العرب … لو قـام .. غــرّد :

( راكب اللي ) … لامشى تسمع فحيحه !
( انتهت ) … من عهد جدي … يالـمقـرّد !

( ويا نديبي ) من على ( شقحا ) مريحه ! 🐪
امثله … من كثــرها …. ما تنّــتــورّد

كل ( فكره بايتــه ) … مثل … النطيحه
اجتـنـبها … دوّر … الصـيد الـمشـرّد

مابها … من صفرت القنّاص … ريحه
مثلها مثل … الدجاج … اللي مبـــرّد

مَعــشر الشعار … بعطيكم نصيحه
اكتبـوا شعرٍ … من الماضي تجــــرّد .

فهد المنصوري



* التواصل مع الجمهور فن كيف تتواصل مع جمهورك؟
اتواصل عن طريق حساباتي في مواقع التواصل الاجتماعي بشتى انواعها فمنهم المتذوق ومنهم الناقد ومنهم الشاعر ويشرفني دائماً التواصل معهم جميعاً

* تمنياتك ؟
اتمنى ان تكون منابر الساحه الشعرية اكثر رقي
مما هي عليه في اختيار المادة المعروضه وبعدهم عن الجانب المادي

* اقرب نص على قلبك؟
هذا النص اهديه لكل من عاتبني على الانقطاع لفتره من الزمن :
.
.

👇هذي لمن عاتب … والارسال مقطوع
‎حشمه لعينك … يكفي … انك قــريّب

الوصل ماهو شرط … في كل الاسبوع
‎ياللي … تقول اشبك … علينا مغـيّب

ان ظاق صدري .. للوصل .. قلت مقروع
‎عشان ما نخسر بعض … يالحبـيّب

اصحابي اللي قدرهم .. فوق مرفوع
‎جميلهم .. ما ينحصر في كتيّـب

اشرح لهم وضعي .. مع العذر متبوع
‎وهقواتنا .. في بعضنا .. ما تخَـيّب

ضيقات صدري … كلها من هذ النوع
‎ينـتابنـي معها … عـزوف وتسيّـب

مدري وش الاسباب … لكن موجوع
‎شيّبت يا راسي .. قبل ما نشيّـب

اهل الحجاز / تضيق والضيق .. مشروع
‎والضيق في صدر الشمالي … معيّـب

ولأ الحجازي … كان شفته على كـوع
‎لو تنشده … عن حالته … قال طيّـب

#فهد_المنصوري
_______________




* كم عمر النص الشعري؟
اقصر من عمر الشاعر ... عند تعديله الى الاحسن
واطوّل من الشاعر ... اذا كان النص قوي ومن القلب


* ماتعني لك الشهرة؟
* الشهره لا تعني لي بقدر مايعنيني الماده اللي اقدمها .. ومدى رضا جمهوري عنها
اسعى جاهداً تقديم كل ماهو مميز في كل نص شعري جديد اكتبه

* افضل شاعر نظم؟
سعد بن جدلان

اجمل بيت ؟
الابيات الجميله كثر ولايمكن حصرها
ولكن خطر في بالي بيت

شوفتك احلى من ثواني عتق في ساعة قصاص '
وغيبتك اقسى من صلاة المموت في عيد الفطر..!




* رسالة للمتابع؟
كل الشكر للاستاذ والاعلامي عبدالله السفياني
على توجيه الدعوه لي في الصحيفه
ولكل من تابع واطلع على هذا اللقاء
.. باقه ورد 💐بحجم السماء .




تقييم
2.13/10 (4 صوت)