راشد السحيمي يلعب على المرتدة
وباسل الشريف يتصدى .. اســتمــتع ..
خالد المريني ـ شعبية
محاورة جميلة بين موهبة شابة وشاعر مخضرم ... بدون مقدمات سيدي القارئ .. استمتع
باسل الشريف:
سلام ياربع" لهم تاريخ من ماض العصور
ربع" تبرهن قولها الصادق بصدق افعالها
الله يعز المملكه ويخلي اطوال الشبور
والمشكله لن كان صعبت عندنا حلالها
......................
راشد السحيمي:
يامرحبا كملتوا الواجب ولاجاكم قصور
والكلمه الحلوه يصح لسان منهو قالها
الله يعز المملكه ويفكنا شر الغرور
يافرحة الشياب لاشافت سنع بعيالها
........................
باسل الشريف:
اكثر عباد الله مافي عنده احساس وشعور
والشله اللي فاسده فال الله ولا فالها
حنا نحاول ودنا نصلح جميعات الأمور
والنار من شبابها والخيل من خيالها
.........................
راشد السحيمي:
ماهو حرام تخاوي الشياب حدبان الظهور
وان كان في خاطرك كلمة راس وش يبقالها
الليله الدنيا تدور وفي عيوني ماتدور
والورده اللي دونها مترين كيف ارقالها
........................
باسل الشريف:
مال العواده يالسحيمي غير تدفن فالقبور
لو يختلف حال الليالي ماتغير حالها
نعرف علومك يالسحيمي فالورود وفالصدور
والناس ماتنزل بمنزال" مهو منزالها
65535 | 
0 | 
4445
