الثلاثاء 10 شوال 1441 / 2 يونيو 2020

مرخصة من وزارة الثقافة والإعلام برقم : غ ش 1444

صحيفة شعبية
08-17-1441 05:52
تعليقات 0 | إهداء 0 | زيارات 256
شعراء يشاركون عطاالله القارحي التوعية بأهمية منع التجوّل
شعراء يشاركون عطاالله القارحي التوعية بأهمية منع التجوّل
عبدالله جابر السفياني - شعبية
للشعر وقع خاص في النفوس وله مكان ومكانة حتى انه ياخذ الالباب ويجعلها رهينه لبلاغته وصوره الاخاذه
ويصل لسويداء القلب !!
الشاعر عطالله القارحي طرح أبيات
للمجاراة من باب التوعية باهمية الالتزام بمنع التجول
وشاركه شعراء في تويتر دعماً ومشاركة فيما ذهب إليه يقول عطالله القارحي

‏ وش رايكم كل ما فالامر تخفيف المشاوير
‏مصروف مكلوف كل اللي عليك اقعد في بيتك

‏يا الربع وقت الخطر تاخذ حذر حتى العصافير
‏الا انت يا متخذ ديباجة الشارع سويتك

ليرد شاعر المحاورة صقر سليم ويقول

مدام من خادم البيتين امر صادر وتحذير
‏#اجلس_في_بيتك وقدوة كل من يطرب لصيتك
‏وانا ادري انك تشب الضو وتحب المسايير
‏ولو لا الاوامر وتحذير الاطباء كان جيتك

وكذلك يقول حامد القارحي

سمعاً وطاعه ولاشفنا من الحكام تقصير
‏واعطيتني ياوطن وانا مقّصر ماعطيتك
‏ياخال لولا الحظر قبّلت خشمك صبح وعصير
‏لكن رقمي بجوالك وطمّني فديتك

ويقول تركي الصخري

الله يحفظ ولــيَ الامــر ويجازيــه بالخيــر
‏لكــن يالشعْـب ليتـك تلتــزم بالامــر ليتـك

‏لازال بعض العرب مايبتعد عن زحمة السير
‏ويقـول كـان الأجـل ماحــان ما شيٍ ٍ يميتك !

ويختتم فيصل عبدالله المطرفي بالقول

الامر لله والدولة جزاها الله بالخير
‏قالت وطالت ليا منه نقص شيٍ عطيتك
‏اليوم خلك على التوجيه والتوجيه تحذير
‏وايامنا المقبلة ان ماجيتني فالبيت جيتك




تقييم
7.26/10 (9 صوت)