السبت 17 ربيع الثاني 1441 / 14 ديسمبر 2019

مرخصة من وزارة الثقافة والإعلام برقم : غ ش 1444

صحيفة شعبية
03-07-1441 11:42
تعليقات 0 | إهداء 0 | زيارات 220
الشاعر وليد الغربي المبدعون كثر والقصيدة الجميلة تفرض نفسها
الفكرة أساس القصيدة وبدونها تبقى خالية
الشاعر وليد الغربي المبدعون كثر والقصيدة الجميلة تفرض نفسها
عبدالله جابر السفياني - شعبية
أحد الشعراء الدين يتكأؤون على أرث ثقافي تليد ، وموهبة فذة ، وتاريخ أدبي كبير في عالم القصيدة الشعبية ، من بيت شعر وأدب وفروسية.
كان أحد أبرز الفرسان في برنامج فرسان الصحراء عام 2008م .
يقول لمعشر الشعراء عليكم بكثرة القراءة والإطلاع فهي من تجعل الفرد يفرق بين الغث والسمين وليس كل مايقال صحيح او جميل او مفيد لذلك تمعن وخذ مايفيدك ولا تنقل إلا مايفيد المجتمع
الشاعر وليد الغربي ضيفنا في هذا الحوار :-



كيف يعرف وليد نفسه كشاعر؟

وليد بن خالد الغربي العتيبي
إنطلقت في مزاين قبيلة عتيبة 2007 اوبعدها البدايه الاقوى في برنامج فارس الصحراء 2008 وحصلت فيه على أفضل فارس

تكلم عن اول لحظة قابلت الجمهور؟

لا اذكر اني شعرت بالرهبه والحمد لله على توفيقه


شاعرك المفضل واي قناة تلفزونية تتابعها؟

سعد بن جدلان رحمه الله ولايوجد قناه معينه بعينها


صف القصيدة الجزلة؟

تتمتع بقوة المفردة وتوصيل المعنى والسبك والحبك وإيصال الفكرة بسلاسة .


مادور الشاعر في المجتمع؟

الشاعر لسان أمته وهو الإعلام قديماً وموصل مؤثر للاحداث حديثاً


موقف لاتنساه ايام الدراسة؟

ذكريات الدراسه كثيرة وكلها جميلة ويصعب ذكر موقف واحد وانا مدين لكل المعلمين واتمنى ان اقابلهم واشكرهم من جديد


ماذا تعني لك الشيلة؟

معها ولست ضدها وهي مناسبة لمجتمعنا خصوصاً في الافراح ، إضافه انها موصل اسرع وهي سلاح ذو حدين مكمل جمال في بعض الاحيان وبعض الاحيان تسيئ للقصيدة ، وبالنسبه لي احب اسمع القصيده إلقاء اكثر من الشيله


هل فيه قصائد لك منشدة ؟

نعم كثير من المنشدين تغنوا بقصائدي


تمنيت منشد ينشدلك ولم يحصل ماتتمناه؟
لا فجميع من أطرب لهم تغنوا بشعري


برامج الواقع هل تتابعها؟

الثقافية منها فقط


المحتوى والمضمون في شعرك كيف تحدده؟

راضي عنه والاصداء كلها مرضيه ولله الحمد


شاعر ودك تسمع له دائم ؟

في الوقت الحالي لايوجد شاعر بعينه المبدعون كثر والقصيدة الجميلة تفرض نفسها


مالفرق بين الشعر الان وقبل ثلاثين عام؟

الان افضل مع تطور الثقافة والمفردة والصورة


اعطني قصيدة لك من اختيارك؟

ترى الشعر وادٍ كريم وواسع الصدر وكبير
ولايضيق من العرب لو غثه المستشعره

ولاَ تضايق من زمان الجهل حتى بالصغير
ولو شواعيره حسدها ماسفط ثقل شعره

وانا اسبح بعمقه بدربي ماتعرضت المسير
مادام له درب ٍ منير .. ودام لي درب سفره

حتى ولو قالوا بطل دايم وله صيد ٍ وفير
مانلتفت للي تجيب الصيد من غير ثمره

واللي يحسب انه طغى في عيني اليمنى غرير
وهو بـ مجده يدري انه نافسه حتى مره


ماتعني لك الفكرة؟

اساس القصيده بدونها تبقى خاليه


الصور الشعرية كيف تلتقطها؟

من وسع الخيال وابداع التركيب للمعنى في سياق البيت


بيت دايم تردده؟

من ابياتي

الله على بيض النوايا انه يجازينا بخير
واهل النوايا السود يعطيها على نياتها


قصيدة وطنية من نظمك؟

القصايد الوطنيه تكون بالعاده طويله لذلك ساختصر بابيات ..

ياولي العهد والله مانضيق
وانت في وقتك علامه فارقه

مجد ابوك ومجد جدك له طريق
وانت مجدك مثل شمسٍ شارقه

اعتبرنا قدم عدوانك طويق
والسعد يرعد ويبرق بارقه

..

الله يعز .. السعودي ووطنه
قايم ٍ عزه بـ شعبه والولاه

الوطن ماهو بـ يوم ولا سنه
الوطن يعني معزّه فـ الحياه


اذكر بيت تمناه انه لك؟

صعب جداً لانها كثيره جداً الابيات المليئه بالابداع


شاعر تمنى ان تصل الى مستواه؟

دائماً والشعر عندي حاله ثانوية لذلك انا راضي عن نفسي


اذكر قصيدة مدح؟

سمعاً وطاعه سيدي يـ أبن الملك
وانته وريث الملك من بعد الملوك

عينك على الدوله وعينك لـ أهلك
ماكنك الا .. جدك معزي وأبوك

صميدع ٍ من وقّف بـ ضدك هلك
اعداك شفهم من فعايلكم دروك

ترى التطور دائماً رحلة فلك
وهذا أنت قدت الرحله بطائر مكوك

سبحانه اللي بـ الفعايل جمّلك
حتى ان شعبك بـ المحبه بايعوك

من الولى معطيك شعبك ماملك
ولا حسب لـ اللي يثيرون الشكوك

حنا معك لو كان فـ الليل الحلك
يقودنا دون الوطن دق السلوك

مانسألك .. مانسألك .. مانسألك
إلى المعالي قودنا لافض فوك

رسالتك لجمهور الساحة الشعرية والمثقفون؟

كثرة القراءة والإطلاع تجعلك تفرق بين الغث والسمين ليس كل مايقال صحيح او جميل او مفيد لذلك تمعن وخذ مايفيدك ولا تنقل إلا مايفيد المجتمع.

في الختام مالشي الذي ودك اني سألتك عنه ؟

الفروسيه ورحلات الصيد لانها المحببه لي والمتنفس الافضل عندي







تقييم
9.75/10 (5 صوت)